test berichten vanaf de app

https://api.socie.nl/v2/public/rss/9e1553d0b6fd0741f1fe4d6d0a9301a9520bf30df2fa1d1fc17dd1717535b28a/d12eaqqddqectjs4q14lqu

test berichten This feed has been generated by Socie on behalf of Regiobrief/Regiokerken

  • Test
    on 25 december 2021 at 12:51 pm

    Hulp test testaanmelden via website

  • potkaasten
    on 11 oktober 2021 at 9:00 am

    In Stad zag je ze vrouger n bult: de potkaasten (zoas op dizze foto van begun veurege aiw op hörn van Olle Ebbingestroat en Harderwikerstroat). Dizze oetbaauwseltjes deden nait allineg dainst as onderkommen veur ambachtslu dij doar heur waark deden, mor wazzen ook as n soort van eteloazje woar winkeliers heur negootsie oetstallen deden. Potkaasten in Stad binnen nog mor op aain haand te tellen: Olle Kiekentjestroat, Poelestroat, Törfsingel en aan t Schutendaip.Van de hand van Henk Zuurhttps://www.facebook.com/groups/355221128331711/user/100003626525651/

  • Fopopdracht
    on 3 oktober 2021 at 10:00 pm

    Bie ons in smederij haren wie aaltied n leutje knecht. As n jong van van schoule kwam en n vak leren wol, gong zien voader noar n boas dij smid, timmerman, schoumoaker, snieder of n aander vak haar, om te vroagen of ze ook n leerjong bruken konden. Kon dat wel, din gebeurde t voak genog, dat ze t eerste joar leergeld tougeven mozzen. Ik heb van n leerlingsnieder heurd, dat hai t eerste joar vieventwinteg gulden tou betoalen mos, t twijde joar verdainde hai niks en t daarde joar kreeg e vieventwinteg gulden.Zo'n leerjong was veur elk de voutveeg en mos t voak ontgelden. Mien moeke huil hom aaltied slim haand boven de kop en doardeur haren ze bie ons nait zo veul te lieden. Mor as wie slacht haren, din mos hai t ontgelden en wuir e op pad stuurd om t 'worstpatroon'te hoalen. Hai wuir vast aaltied eerst stuurd noar Stelmoaker Otten, want doar deden wie n bulde zoaken mit. "Kompelmint van Loeinga en of ze t worstepatroon wel evenlainnen moggen". "Wacht mor even jong. k Zel hom even van de vraauw hoalen" zee Otten, dij gain spier blieken luit, woar d'jong aan maarken kon dat e veur n ding dij nait beston op pad was. Otten verdween even uut de waarkploatse en dou e weerom kwam, zee tegen d'jong "t spiet de vraauw wel, mor ze het hom uutlaind aan smid Boeskool, mor ze docht wel, dat dij der al kloar mit wazzen, goa doar mor hin". Bie smid Boeskool haren ze hom net uutlaind aan Hinderk de Groot en dij timmerman Schenkel en zo wuir de jong t haile dörp deurstuurd, net zolaank, dat e in de goaten kreeg, dat e veurr maal-Jan bie de weg luip. zo wuiren bie aandere ambachten de leerjonges op pad stuurd om de stainschoave, de boukbore, de groupvaaile, de dakschere, puutje zuurkoolzoad en nog meer van dij dingen, dij nait bestonnen.Jeugdherinnerns van n Muntendammer Kouvreter.Overgenomen uit facebook Henk ScholteGrunniger Toal en foto,s van uut de Provincie Grunnen.

  • Gain scheepsmotor
    on 26 september 2021 at 10:30 pm

    Gain scheepsmotor, mor pokkel- en ellebogenstoom. n Moeke en twij van heur zeuns in de zelen - en pa aan t rouer - zeulen t schip mit n beetje hulp van de wind deur t Winschoterdaip. Tot zo’n dik honderd joar leden was t scheepsjoagen in de Veenkolonies nog n doaglieks gezicht. t Leven ging dou, om zo te zeggen, stapvouts. De snelhaid van t schip paasde haildaal in t tempo van de tied… Noastdat t schippersgezin in de zelen hong, wazzen der ook lu dij zich, aal of nait mit n peerd, as scheepsjoager verhuurden. Ook Petrus Woagnbörg oet Veendam, hai kwam in 1871 oet tied, was scheepsjoager. Zien jongste zeun Egbert (1866-1943) was de grondlegger van t bedrief dat vandoag de dag bekend stait as Royal Woagnbörg mit zo’n drijenhaalfdoezend waarknemers.Van de hand van Henk Zuur https://www.facebook.com/groups/355221128331711/user/100003626525651/

  • Schoolmeester
    on 19 september 2021 at 10:00 pm

    n Voader van ain van de kinder van de zesde klazze komt om vaar uur bie meester op school om over zien zeun te proaten.Zien jong kin nait best leren en t is ook nog ’n balsturege knoap in de klazze.Noadat ze t n zetje over Jan had hebben, zegt zien pa: ‘Der is thuus ook nait veul mit hom te begunnen meester, k Snap nait hou ie dat mit zo’n klazze vol kwoajonges kloar speulen. Schoolmeester wezen liekt mie niks tou. Doun ie zuks nou laiver as waarken?’Bron: Henk ScholteGrunniger Toal en foto,s van uut de Provincie Grunnen.